۱۴۰۱/۱۲/۰۳ لمريز کال د اراکوزيا د لوړو زده کړو مؤسسې د رئیس ښاغلي عبدالمنان سلطاني له لوري د طب پوهنځی د محصلينو له نماينده ګانو سره د درسي بهير د لا ښه والي په موخه غونډه وکړه.
په ياده غونډه کي د محصلينو څخه پر روان درسي بهير، د استادانو پر درسي مېتود، عملي کارونو او يو شمېر نورو مهمو موضوعاتو باندي خبري اترې وسوې.
د محصلينو نماينده ګانو له لوري د منظم تدريسي بهير او ښه عملي کار په پار د مؤسسې له رهبرۍ او خپلو استادانو څخه خوښي او مننه څرګنده کړه.
د يادوني وړ ده، چي د اراکوزيا لوړو زده کړو مؤسسې اداره د خپلو محصلينو د علمي بهير لا ښه پياوړتيا او ښې همږغۍ په موخه وخت پر وخت د هغوی سره غونډي دايروي.
درنښت
اراکوزيا د لوړو زده کړو مؤسسه
خپرنيزه څانګه